Hikmət Hacıyev Ermənistan Təhlükəsizlik Şurasının katibinin açıqlamasına münasibət bildirib
"Ermənistan Təhlükəsizlik Şurasının katibinin bu açıqlaması əvvəlki və indiki Ermənistan siyasi-hərbi rəhbərliyinin məğlubiyyətini ört-basdır etmək, günahı başqasının üzərinə yıxmaq və özünə bəraət qazanmaq cəhdindən başqa bir şey deyil".
"Report"un məlumatına görə, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev "Ermənistan Təhlükəsizlik Şurasının katibi Qarabağın Rusiya tərəfindən Azərbaycana verildiyini iddia edib. Bu, revanşizmin təzahürüdür, yoxsa bunu necə şərh edərdiniz?" sualına cavab verərkən bildirib.
O qeyd edib ki, Azərbaycan Ordusu döyüş meydanında öz sözünü deyərək, şəhid verərək Ermənistan ordusunu 44 günlük Vətən müharibəsində məğlub edib, mütləq hərbi qələbə qazanıb, Ermənistanın 30 il davam edən hərbi işğalına son qoyub və Ermənistanı kapitulyasiya aktını imzalamağa məcbur edib:
"Ermənistan rəhbərliyi ordu sıralarında 10 min nəfərdən artıq fərarinin olduğunu özü etiraf edib. 2023-cü ilin sentyabrında həyata keçirilən antiterror tədbirləri nəticəsində 23 saatdan az müddətdə Azərbaycan ərazisində qeyri-qanuni qalmaqda davam edən Ermənistan ordusunun qalıqları tərksilah edilib və Qarabağ tam azad edilib. Ümumən Ermənistan ordusunun 5 milyard ABŞ dollarından artıq dəyəri olan silah və sursatı məhv edilib və ya qənimət götürülüb.
Həm 44 günlük Vətən müharibəsi, həm də antiterror əməliyyatı bir çox dünya ölkələrinin hərbi akademiyalarında unikal hərbi əməliyyatlar olaraq öyrənilir.
Təəssüflə qeyd etmək istərdik ki, bu kimi açıqlamalar Ermənistanın siyasi-hərbi rəhbərliyinin təfəkküründə hələ də revanşizm xülyalarının qalmasının təzahürüdür. Ermənistanın siyasi-hərbi rəhbərliyində olan şəxslərə tarixi səhvləri yenidən təkrarlamamaq üçün revizionizm və revanşizm xülyalarından tamamilə əl çəkməyi, militarizasiya siyasətinə son qoymağı tövsiyə edirik".
Bu gün Azərbaycan Silahlı Qüvvələrinin yaranmasının 106 ili tamam olur
İlham Əliyev TÜRKPA-nın nümayəndə heyətini qəbul edib
İlham Əliyev və Mehriban Əliyeva Şuşaya köçmüş ilk sakinlərlə görüşüblər
Azərbaycanda şəhid ailələrinin hüquqları ilə bağlı YENİLİKLƏR
Azərbaycanda tibb işçilərinin peşə bayramıdır
Hikmət Hacıyev ABŞ-də dövlət katibinin müavini ilə görüşüb - FOTO
İlham Əliyev və Mehriban Əliyeva Həzi Aslanovun məzarını ziyarət ediblər - FOTO
Şuşa Bəyannaməsinin imzalanmasından üç il ötür
Hikmət Hacıyev: "İqlim dəyişikliyi ilə mübarizə qlobal təhlükəsizlik məsələsidir"
Hikmət Hacıyev: "Fransanın Cənubi Qafqazda həyata keçirdiyi siyasəti səmərəli hesab etmirik"
Rusiya sülhməramlı kontingentinin hərbi texnikasının növbəti partiyası Xocalıdan daşınır
Hikmət Hacıyev Türkiyə səfiri ilə müttəfiqlik əlaqələrini və regiondakı vəziyyəti müzakirə etdi