Pensiya, müavinət, kompensasiya və digər sosial ödənişlər hansı halda gecikmiş hesab olunur?
Pensiya, təqaüd, kompensasiyalar və digər sosial ödənişlərin verilməsi müəyyən olunmuş qrafikdən kənara çıxanda vətəndaşlar, pulun gecikməsi ilə bağlı, sosial şəbəkələrdə öz narazılıqlarını ifadə edən müxtəlif paylaşımlar edirlər.
Onlar hesab edirlər ki, almalı olduqları sosial ödəniş (pensiya, təqaüd və s.) təyin olunmuş qrafik üzrə vaxtında verilmirsə, bu artıq gecikmədir. Məsələn, əgər vətəndaş pensiyasını hər ayın 15-də alırdısa və bu ayın 18-də hələ də onu ala bilməyibsə, bu artıq gecikmədir. Dövlət Sosial Müdafiə Fondu (DSMF) isə bu fikirlərlə razılaşmır.
Bəs görəsən, hansı halda bütün bu (sosial, pensiya, və s.) ödənişlər gecikmiş sayılır?
Oxu.Az vətəndaşların əksəriyyətini maraqlandıran bu sualı DSMF-yə ünvanlayıb.
Fondun Mətbuat Xidmətindən Oxu.Az-ın sorğusuna cavab olaraq bildirilib ki, hər ay pensiya, müavinət, təqaüd və ünvanlı dövlət sosial yardımlarının ödənişi müəyyən olunmuş qrafik əsasında həyata keçirilir.
"Qrafikə əsasən, hər ayın 8-10-u aralığında Bakı və Sumqayıt şəhərləri, Abşeron rayonu üzrə, 15-20-si aralığında respublikanın digər bölgələri üzrə, həmçinin güzəştli şərtlərlə pensiya alan şəxslərin pensiyaları, 25-28-i aralığında isə sosial müavinətlər, ünvanlı dövlət sosial yardımı, təqaüd və kompensasiyalar ödənilir.
Ödəniş günləri bayram günlərinə təsadüf etdikdə isə ödənişlər bayram ərəfəsində, yəni qrafikdə nəzərdə tutulduğundan daha erkən vaxtda həyata keçirilir.
Beləliklə, bütün hallarda vətəndaşlar hər ay üzrə sosial ödənişlərini qrafik əsasında elə həmin ay başa çatmamış almış olurlar və bu sahədə heç bir gecikmə baş vermir", - deyə açıqlamada vurğulanıb.
İlham Əliyev TÜRKPA-nın nümayəndə heyətini qəbul edib
Azərbaycan Respublikası Konstitusiya Məhkəməsinin fəaliyyətə başlamasından 26 il keçir
İyul ayı üzrə bütün sosial ödənişlər yekunlaşıb
Milli Məclisin plenar iclasında 18 məsələ müzakirə olunub
İlham Əliyev və Mehriban Əliyeva Şuşaya köçmüş ilk sakinlərlə görüşüblər
Şuşa Bəyannaməsinin imzalanmasından üç il ötür
Ləğv prosesində olan bankın əmanətçilərinin DİQQƏTİNƏ - Son 11 gün
Sosial ödənişlərin təyin edilməsi qaydası müəyyənləşib
Dövlət qulluqçularının ömürlük müavinətinin hansı halda dayandırılacağı məlum olub
Hərbi xidmətə çağırışda yeniliklərlə bağlı RƏSMİ AÇIQLAMA
Sənədsiz ev sahiblərinin DİQQƏTİNƏ: Qeydiyyat üçün portalın hazır olacağı tarix AÇIQLANDI
Kredit götürdükdən sonra dünyasını dəyişən şəxslərin vərəsələri hansı halda borcu qaytarmaya bilər?