Paris-2024: Bu gün Azərbaycanın iki idmançısı və basketbol millisi çıxış edəcək

Paris-2024 Yay Olimpiya Oyunları davam edir.

Bu gün daha 29 dəst medal sahibini tapacaq.

Bununla da artıq başa çatan proqramların ümumi sayı 144-ə çatacaq. İlk yeddi gündə 115 mükafat dəsti uğrunda yarış yekunlaşıb.

Azərbaycan millisi 3 yarışda təmsil olunacaq. Olimpiadanın səkkizinci günündə avarçəkənimiz Diana Dımçenko çıxışını başa vuracaq. Üzgüçü Məryəm Şeyxəlizadəxangah təsnifat mərhələsində, uğur qazana bilsə, yarımfinalda da iştirak edəcək. Basketbolun 3x3 növündə yarışan qadınlardan ibarət millimiz əsas mərhələdə son matçını keçirəcək və uğur qazansa, pley-ində mübarizə aparacaq.

3 avqust

11:30. Akademik avarçəkmə, qadınlar, fərdi, 2000 m

C finalı

Diana Dımçenko

13:00. Üzgüçülük, qadınlar, 50 m, sərbəst

Təsnifat mərhələsi

Məryəm Şeyxəlizadəxangah

19:30. Basketbol 3x3, qadınlar

VII tur

Kanada - Azərbaycan

22:39. Üzgüçülük, qadınlar, 50 m, sərbəst

Yarımfinal