BMT baş katibindən dünyada yeni epidemiya ilə bağlı bəyanat: "Müşahidələr tarixində rekord qırıldı"

"Yer kürəsində milyardlarla insan "ekstremal istilik epidemiyası" ilə üzləşir".

Oxu.Az-ın "RIA Novosti"yə istinadən xəbərinə görə, bu sözləri BMT-nin baş katibi Antonio Quterreş brifinqdə çıxışı zamanı deyib.

"Bu, misligörünməmiş istilər həftəsi idi", - deyə Quterreş qeyd edib.

O xatırladıb ki, Avropa İttifaqının "Copernicus" İqlim Dəyişikliyi Xidməti ilkin olaraq 21 iyul bazar gününü müşahidələr tarixində ən isti gün elan edib. Lakin bazar ertəsi, iyulun 22-də civə sütunu daha da yüksəlib. Üstəlik, ertəsi gün, iyulun 23-də də eyni diapazonda keçib. Bu üç gün bütün müşahidələr tarixində temperatur rekordunu qırıb.

Antonio Quterreşin sözlərinə görə, planet "ekstremal istilik epidemiyası" səbəbindən daha da isti və hamı üçün daha təhlükəli olmağa başlayır.