"Android"də smartfonları oğurluqdan qorumaq üçün yeni funksiya

"Google" şirkəti "Android" smartfonlarının oğurluqdan qorunması funksiyasının beta sınaqlarına başlayıb.

Funksiya indi yalnız Braziliyada istifadəçilər üçün beta versiyada əlçatandır. Onu aktivləşdirmək üçün sorğu təqdim edilməlidir.

Texnologiya süni intellekt alqoritmlərinə əsaslanır və cihazın qeyri-adi hərəkətlərini təhlil edərək qadceti oğurlamaq cəhdlərini aşkarlamağa qadirdir. Bundan əlavə, funksiya tanımadığı şəbəkələrə qoşulduqda smartfondan icazəsiz istifadəni aşkarlaya bilir.

Hazırda "Android 15" əməliyyat sistemi sınaqdan keçirilir. Onun tam buraxılışı 2024-cü ilin payızında gözlənilir. Yeni əməliyyat sistemi ilk olaraq "Google" smartfonlarında aktivləşdiriləcək.

Mənbə: The Verge