Elektromobillər üçün yeni sürət rekordu müəyyənləşdi - VİDEO

İtaliyanın "Manifattura Automobili Torino" şirkəti tərəfindən yığılmış yapon hiperkarı "Aspark Owl SP600" 438,7 km/saat sürətlənərək elektrik mühərrikli avtomobillər arasında mütləq sürət rekordu vurub.

Əvvəlki rekordu 2022-ci ildə 412 km/saata qədər sürətləndirən "Rimac Nevera" elektromobili müəyyən edib.

Yeni nailiyyət öncəki rekordun qeydə alındığı Papenburq təlim poliqonunda əldə edilib. "Aspark SP600"ü keçmiş FIA GT1 dünya çempionu və 2012-ci ildə Nürburqrinq yarışının qalibi Mark Bassenq idarə edib.

Qeyd edək ki, "Aspark Owl" 2017-ci ildə konsept olaraq təqdim edilib. Avtomobildə ümumi 1480 kVt (2012 at gücü) istehsal edən dörd elektrik mühərriki var. "Aspark Owl" 100 km/saat həddinə 1,9 saniyəyə sürətlənir - bu, dünyanın istənilən digər seriya avtomobillərindən daha sürətlidir.

Mənbə: championat.com