Qazaxın dörd kəndinin azad olunması Azərbaycanın növbəti tarixi uğurudur
Qazax rayonunun Bağanıs Ayrım, Aşağı Əskipara, Xeyrimli və Qızılhacılı kəndlərinin işğaldan azad olunması Azərbaycanın suverenliyinin təmin edilməsi istiqamətində növbəti tarixi uğurudur.
Bunu "Report"a açıqlamasında Milli Məclisin deputatı Azay Quliyev deyib.
Onun sözlərinə görə, Prezident İlham Əliyevin Azərbaycanın tarixi torpaqlarının qaytarılması fonunda yanvarın 10-da yerli televiziya kanallarına müsahibəsində səsləndirdiyi fikirləri yada salmaq yerinə düşər:
"Dövlət başçısı müsahibəsi zamanı bildirmişdi ki, o kəndlər ki, anklav deyil - dörd kənd - Azərbaycana qeyd-şərtsiz qaytarılmalıdır: "Yəni bizim mövqeyimiz bundan ibarətdir". Elə məhz bu gün sözügedən dörd kəndin Azərbaycana təhvil verilməsi ölkə başçısının qəti siyasi iradəsinin nəticəsidir".
A.Quliyev bildirib ki, həmin kəndlərin dövlət başçısının bir sözü ilə qaytarılması "dəmir yumruq" kimi "dəmir iradə"nin də yerində olduğunu bir daha sübut edib:
"Beləliklə, regionda yaradılmış yeni reallıqlar fonunda Azərbaycan diktə edən tərəf kimi öz sözünü bir daha demiş oldu. Delimitasiya prosesi çərçivəsində Azərbaycanın bir qarış torpağının belə Ermənistana verilməməsi 44 günlük müharibə və antiterror tədbirlərindəki qələbəmizin davamıdır. Bu tarixi uğura görə Bağanıs Ayrım, Aşağı Əskipara, Xeyrimli və Qızılhacılı kəndlərinin sakinlərinə gözaydınlığı verirəm. Azərbaycan xalqı bu tarixi anları bizə yaşadan müzəffər Ali Baş Komandana və şanlı ordusuna minnətdardır".
Azərbaycana qaytarılan dörd kənd DSX tərəfindən nəzarətə götürüldü - RƏSMİ
İlham Əliyev və Mehriban Əliyeva Şuşaya köçmüş ilk sakinlərlə görüşüblər
Prezident İlham Əliyev və Prezident Rumen Radev mətbuata bəyanatlarla çıxış ediblər - FOTO/VİDEO
Azad edilmiş ərazilərdə infrastrukturun bərpası ilə bağlı son yenilikləri rusiyalı ekspert açıqladı - Müsahibə
Prezidentlər “Caspian Agro” və “InterFood Azerbaijan” sərgiləri ilə tanış olublar - FOTO
Azərbaycanla Ermənistan arasında sərhəd xəttinin koordinatları ilə bağlı protokol imzalanıb
İlham Əliyevin “Xarıbülbül” Festivalının açılışındakı çıxışının tam mətni - VIDEO
Milli Məclisin plenar iclasında 18 məsələ müzakirə olunub
Ulu öndər Heydər Əliyevin anadan olmasının 101-ci ildönümüdür
Heydər Əliyev Mərkəzində "Görünməyənin cizgiləri" sərgisi açılıb
Azərbaycan XİN-dən fransalı nazirə SƏRT CAVAB
Qərbi Azərbaycan Xronikası: Şəmşəddində ruslara qarşı etirazların səbəbi - VİDEO