Böyrək daşlarının əmələ gəlməsindən qoruyan məhsullar açıqlandı
Böyrəklərdə daşların əmələ gəlməsində qidalanma böyük rol oynayır. Bəzi qidalar daşların əmələ gəlməsinə səbəb olur, digərləri isə əksinə, bunun qarşısını almağa kömək edir.
İrevan Tv -nin Gazeta.ru-ya istinadla verdiyi məlumata görə, bu barədə rusiyalı nefroloq Tanzila Saqova danışıb.
Onun sözlərinə görə, sitrus meyvələri (limon, laym, portağal və s.), daha dəqiqi, limon turşusu sidik turşuluğunu artırmaqla böyrəklərdə daşların əmələ gəlməsinin qarşısını alır.
"Qanda şəkərin normal səviyyəsini saxlamağa və böyrəklərdə daşların əmələ gəlməsindən qorumağa kömək edən kifayət qədər lif qəbul etmək də vacibdir. Buna görə də qida rasionunda mütləq liflərlə zəngin tərəvəz və meyvələr olmalıdır", - deyə mütəxəssis əlavə edib.
Yulaf, qəhvəyi düyü və digər tam taxıl məhsulları təkcə liflərlə deyil, həm də böyrəklərdə daşların əmələ gəlməsi riskini azaldan maqneziumla zəngindir.
Bu qidalara mərci, lobya və digər paxlalı məhsullar da aiddir.
Həkimin sözlərinə görə, aşağı yağlı süd məhsulları da böyrəklərdə daşların əmələ gəlməsindən qorunmada mühüm rol oynayır.
"Həmçinin toyuq, balıq və yumurta kimi az yağlı zülal məhsullarını unutmamaq lazımdır. Bunlar yüksək miqdarda purin tərkibli olmayan əla zülal mənbələridir ki, bu da sidik turşusu daşlarının əmələ gəlməsi riskini azaltmağa kömək edir", - deyə nefroloq qeyd edib.
Mütəxəssis bildirib ki, kifayət qədər su içmək vacibdir.
"Bir neçə böyük tədqiqat göstərib ki, gündə 1.5 litrdən az maye qəbul edən insanlarda böyrəklərdə daşların əmələ gəlməsi riski gündə 2.5 litrdən çox maye qəbul edən insanlarla müqayisədə 50% daha yüksəkdir. Böyrəklərdə daşların əmələ gəlməsinin qarşısını almaq üçün oksalatlarla zəngin qidaların (məsələn, ispanaq, rəvənd, çuğundur) qəbulundan çəkinmək, xörək duzunun qəbulunu azaltmaq və yüksək miqdarda purin tərkibli qidaların (məsələn, qırmızı ət, dəniz məhsulları, içalat) qəbulunu məhdudlaşdırmaq lazımdır", - deyə həkim əlavə edib.
İlham Əliyev TÜRKPA-nın nümayəndə heyətini qəbul edib
Prezidentlər “Caspian Agro” və “InterFood Azerbaijan” sərgiləri ilə tanış olublar - FOTO
Prezident İlham Əliyev və Prezident Rumen Radev mətbuata bəyanatlarla çıxış ediblər - FOTO/VİDEO
Yaddaşı möhkəmləndirən qidalar açıqlandı
Makron və Paşinyanın Azərbaycan Prezidentinə uduzduqları məqam
Azad edilmiş ərazilərdə infrastrukturun bərpası ilə bağlı son yenilikləri rusiyalı ekspert açıqladı - Müsahibə
İlham Əliyev və Mehriban Əliyeva Şuşaya köçmüş ilk sakinlərlə görüşüblər
Təhlükəli pəhrizlərin adları açıqlandı - Nutrisioloqdan xəbərdarlıq
Ədviyyatlı yemək yedikdə bədənimizdə nə baş verir?
Rusiyalı həkim ən piyli orqan haqqında: "Yağ və şəkər yeməyənlər səhv edirlər"
Ölüm riskini azaldan pəhriz - HƏKİM MƏSLƏHƏTİ
Türkiyəli mütəxəssis daim yorğun olan insanlara 6 effektiv üsul tövsiyə etdi