Azərbaycan Milli Xalça Muzeyində “Xalçalarda yaşayan tariximiz” adlı fərdi sərgi nümayiş olunur
Azərbaycan Milli Xalça Muzeyində Əməkdar rəssam Taryer Bəşirovun 65 illik yubileyi münasibətilə “Xalçalarda yaşayan tariximiz” adlı fərdi sərginin açılışı olub.
İrevantv.com Azertac-a istinadən xəbər verir ki, sərgidə bir çox incəsənət nümayəndələri, o cümlədən rəssamlar iştirak ediblər.
Azərbaycan Milli İncəsənət Muzeyinin direktoru Şirin Məlikova çıxışında xalçalardan və onların incəsənətimizdəki yerindən danışıb, Taryer Bəşirovun yaratdığı xalçalarda Azərbaycan tarixini necə əks etdirdiyini vurğulayıb.
Milli Məclisin Mədəniyyət komitəsinin eksperti Əkbər Qoşalı komitənin sədri Fazil Mustafanın təbrik məktubunu təqdim edib.
Sərgidə Azərbaycan Milli Xalça Muzeyinin direktor vəzifəsini müvəqqəti icra edən Mira Məmmədxanova, Heydər Əliyev Fondunun Humanitar siyasət məsələləri departamentinin müdiri Afət Əliyeva, Tahir Salahovun Ev-Muzeyinin direktoru Səadət Mirzəyeva, AMEA-nın Memarlıq və İncəsənət İnstitutunun professoru, Əməkdar elm xadimi Kübra Əliyeva, Əməkdar incəsənət xadimi, professor Ziyadxan Əliyev, “Azərxalça” ASC-nin istehsalat direktoru Əlisəfa Nuriyev, Azərbaycan Dövlət Rəssamlıq Akademiyasının professoru, Əməkdar rəssam Məmmədhüseyn Hüseynov çıxış ediblər. Natiqlər Əməkdar rəssam haqqında fikirlərini bölüşüb, Taryer Bəşirovu 65 illiyi və fərdi sərgisi münasibəti ilə təbrik edib, uğurlar diləyiblər.
Tədbir Heydər Əliyev Fondunun 20 illik yubileyinə həsr olunmuş “Heydər Əliyev Fondu-20” xalçasının təqdimatı və sərginin açıq elan edilməsi ilə yekunlaşıb.
Qeyd edilib ki, özünəməxsus dəsti-xətti ilə təkrarolunmaz sənət nümunələri ərsəyə gətirən, yaradıcılığında daim müxtəlif yeniliklər edən xalçaçı-rəssamın sərgisinə həsr edilən kataloq nəşr olunub.
Mayın 12-dək davam edəcək sərgi çərçivəsində Əməkdar rəssamın fəaliyyətinə həsr olunan mühazirə də keçiriləcək.
İsraildə Ümummilli Lider Heydər Əliyevin anadan olmasının 101-ci ildönümünə həs olunan tədbir keçirilib
Prezident İlham Əliyev BMT Baş katibinin xüsusi müşavirini qəbul edib
Bu gün görkəmli oftalmoloq-alim Zərifə Əliyevanın doğum günüdür
Prezident İlham Əliyevlə Antoni Blinken arasında telefon danışığı olub
ACB-nin idman komissarı: “Göygöldə gələcək ulduzlar parlaya bilər”
Prezident iki nazirə yeni səlahiyyət verdi - SƏRƏNCAM
Prezident icra başçısını vəzifəsindən azad etdi
Hikmət Hacıyev: “Mülki əhali hər gün Ermənistanın yerləşdirdiyi milyonlarla mina ilə üzləşir”
Bakıda Xalq artistinin Birinci Beynəlxalq Opera Festivalı keçirildi
Dövlət Neft Fondu dünyanın iki nəhəng şirkətinin səhmlərini aldı
UEFA-dan AVRO-2024 ilə bağlı yeni qərar
İlham Əliyevdən ortamüddətli xərclərlə bağlı FƏRMAN