Həsrət Cəfərov: "Parisə qızıl medal üçün yollanmışdım"
"Vətənə medalla qayıtdığım üçün çox sevincliyəm".
Oxu.Az bildirir ki, bunu Paris-2024 Yay Olimpiya Oyunlarında bürünc medal qazanan Azərbaycan güləşçisi Həsrət Cəfərov Heydər Əliyev Beynəlxalq Aeroportunda qarşılama mərasimində jurnalistlərə açıqlamasında deyib.
"Vətənə medalla qayıtdığım üçün çox sevincliyəm. Heyif ki, qızıl medal qazana bilmədim. Amma məqsədim Parisdən qızıl medalla dönmək idi. Bundan sonra daha yaxşı hazırlaşıb növbəti olimpiya oyunlarında bayrağımızı daha zirvələrdə dalğalandıracağam. Olimpiya çempionu olsaydım, daha yaxşı olardı, amma yenə də mükafatçılar siyahısında olduğum üçün xoşbəxtəm".
Qeyd edək ki, Həsrət Cəfərov 2024-cü ildə Buxarestdə keçirilən Avropa çempionatının qızıl medal mükafatçısıdır.
Xatırladaq ki, Paris-2024 Yay Olimpiya Oyunlarında 15 idman növü üzrə 48 idmançı ilə təmsil olunan Azərbaycan yeddi medal qazanıb. Azərbaycan komandasının heyətində cüdoçular Hidayət Heydərov (73 kiloqram) və Zelim Kotsoyev (100 kiloqram) olimpiya çempionu olublar, taekvondoçu Qaşım Maqomedov (58 kiloqram) və boksçu Alfonso Dominqes (92 kiloqram) gümüş, yunan-Roma güləşçisi Həsrət Cəfərov (67 kiloqram), sərbəst güləşçilər Maqomedxan Maqomedov (97 kiloqram) və Giorgi Meşvildişvili (125 kiloqram) isə bürünc medala sahib çıxıblar. Ölkəmiz medal sıralamasında Xorvatiya ilə birlikdə 30-31-ci yerləri bölüşdürüb.
Qaşım Maqomedov: "Olimpiya Oyunlarında Azərbaycan bayrağını dalğalandırdığım üçün fəxr edirəm"
Azərbaycanın 22 samboçusu Avropa çempionatında iştirak edəcək
İlham Əliyev TÜRKPA-nın nümayəndə heyətini qəbul edib
Paris-2024: Azərbaycan medal sıralamasında 28-ci yerdə qərarlaşıb
Olimpiadada qızıl medal qazanmış cüdoçular Vətənə qayıdıblar
Sərbəst güləş yığmamız Avropa çempionu oldu
Avropa çempionatında komanda hesabında birinci olmuş Azərbaycan güləşçiləri Vətənə qayıdıblar
Ümummilli lider Heydər Əliyevin hakimiyyətə gəlməsinin 55-ci ildönümüdür
Paris-2024: Mariya Stadnik yarışı medalsız başa vurub
Paris-2024: Bu gün yunan-Roma güləşçimiz bürünc medal uğrunda görüşdə qüvvəsini sınayacaq
Ulu öndər Heydər Əliyevin anadan olmasının 101-ci ildönümüdür
Paris-2024: Taekvondoçumuz mübarizəyə başlayır, güləşçimiz bürünc medal uğrunda görüşə çıxacaq